Blog de zevacu-taravu

Beschreibung:

frederic.voglimacci@ sfr.fr

Stirling Bridge

U sole brusgia à l’orizonte
À dolci raghji scalda e fronte
In a campia u ventu voca
È d’ogni silenziu si ghjoca
Quassù à nant’à e culline
U core pienu quasi à schiattà
L’omi sò pronti à ghjungne à fine
Da difende a so libertà
Incù a forza immensa d’una mossa cumuna
Per mughjà à l’inglese chì ‘ssa tarra ùn s’affuna
È chì regnanu quì u sole cù a luna
È chì regnanu quì
u sole cù a luna

U sole luce à u celente
Pianu, pianu infrebba e mente
In a campia u ventu voca
È ogni silenziu s’alloca
È a battaglia si scatena
Si tomba per ùn esse tombu
U farru contru à u farru mena
Sin’à cunfonde voce è ribombu
Incù a forza immensa d’una mossa cumuna
Per mughjà à l’inglese chì ‘ssa tarra ùn s’affuna
È chì regnanu quì u sole cù a luna (BIS)

U sole more à l’orizonte
Si piatta daretu à u monte
U ventu alliscia a campia
A nebbia s’hè fatta pisia
Solu per rompe u silenziu
È dà fiatu à a mio musa
Cum’è un ultimu licenziu
Si lagna una caramusa

Dumane un sole à l’orizonte
Brusgiarà da scaldà e fronte
In a campia assirinata
Ci vucarà ogni vintata
Diceranu voce é ribombu
Adduniti à l’eternità
Perchè tumbà o esse tombu
Da difende a so libertà ?
Incù a forza immensa d’una mossa cumuna
Per mughjà à l’inglese chì ‘ssa tarra ùn s’affuna
È chì regnanu quì u sole cù a luna (BIS)

Ponte Novu

Aghju vistu lu ponti di a nostra ruina
Aghju intesu lu monti chì pianu mi dicìa
Èrami di branu in lu sissanta novi
Di maghju tutt'in fiori u ghjornu era lu novi

Aghju vistu lu fiumi chì falava arrabiatu
Aghju intesu la schjuma mughjà à persu fiatu
Èrami di branu in lu sissanta novi
A Francia scellerata chì feci li so provi

Aghju vistu lu sangui di i nostri antinati
Aghju intesu una voci dimmi "Ùn ti scurdà mai"
Di lu sissanta novi èrami di branu
A nostra indipendenza, stu ghjornu tomba l'anu.